Umeed ki meri kashti,
Rang-birange sapne liye,
Har toofan se ladti hui,
Tere pyaar ki aas mein
Behti ja rahi thi.
Tera kinaara hi uski manzil thi.
Phir achanak hi yun...
Galatfehmi ka baadal phata,
Tu khafa hua...
Aur tera kinaara ojhal hota gaya.
Ek tinke ka sahara dhoondhti,
Har pal hausla khoti gayi,
Phir dard ki lehron ne aisa ghera,
Ki ashkon ke sailaab mein
Doob gayi meri kashti.
Aur peeche chhod gayi
Feeke rang, Kuch khamosh lamhe,
Aur ek
bikhra hua dil.
- Soumyaa Sharrma
