અધુરી પ્રેમ કહાની ભાગ 2
કોલેજનું ભણતર પૂરું થતાં જ બંને પર ભવિષ્યની જવાબદારીઓ આવી પડી. આરવ મધ્યમવર્ગીય પરિવારમાંથી આવતો હતો અને હજી તેને પોતાના પગ પર ઊભા રહેવા માટે સંઘર્ષ કરવો પડી રહ્યો હતો. બીજી તરફ, મીરા એક ખૂબ જ રૂઢિચુસ્ત અને ઉચ્ચ વર્ગના પ્રતિષ્ઠિત પરિવારની દીકરી હતી. જ્યારે મીરાના પિતાને આ સંબંધની ખબર પડી, ત્યારે ઘરમાં તોફાન આવી ગયું. તેઓ આ લગ્ન માટે ક્યારેય તૈયાર નહોતા. મીરાને ઘરમાં કેદ કરી દેવામાં આવી અને તેના પર સામાજિક મોભા અને પરિવારની ઈજ્જતનું દબાણ લાવવામાં આવ્યું. તેના પિતાએ ભાવનાત્મક રીતે મીરાને મજબૂર કરી અને તેના લગ્ન એક અમીર બિઝનેસમેન સાથે નક્કી કરી દીધા. મીરાએ ખૂબ પ્રયત્નો કર્યા, પણ એક તરફ તેનો પ્રેમ હતો અને બીજી તરફ તેના પિતાની જિંદગી. આખરે, પરિવારની ખુશી માટે મીરાએ પોતાના પ્રેમની આહુતિ આપવાનું નક્કી કર્યું.
લગ્નના બે દિવસ પહેલા, મીરાએ કોઈક રીતે આરવને એક છેલ્લી વાર મળવા માટે તે જ નદી કિનારે બોલાવ્યો જ્યાં તેમનો પ્રેમ પાંગર્યો હતો. આરવ બધું સમજી ગયો હતો. જ્યારે બંને મળ્યા, ત્યારે વાતાવરણમાં એક અજીબ મૌન હતું. આરવની આંખોમાં લાચારી હતી અને મીરાના ચહેરા પર અસહ્ય પીડા. મીરા આરવને વળગીને ખૂબ રડી. તેણે કહ્યું, "આરવ, મને માફ કરી દેજે, હું હારી ગઈ." આરવે મીરાના આંસુ લૂછ્યા અને ખૂબ જ શાંતિથી કહ્યું, "મીરા, સાચો પ્રેમ ક્યારેય હારતો નથી. તારી મજબૂરી હું સમજું છું. તું જ્યાં પણ રહે, બસ ખુશ રહેજે." તે રાત્રે કોઈ ફરિયાદ નહોતી, કોઈ ગુસ્સો નહોતો, માત્ર બે પ્રેમ કરનારા હૃદયો એકબીજાથી હંમેશા માટે જુદા થઈ રહ્યા હતા. મીરા ભારે પગલે ચાલી ગઈ અને આરવ શૂન્ય અવકાશમાં તેને જતી જોઈ રહ્યો.
અધુરી પ્રેમ કહાની
જોતા રહો....... ભાગ 3
