શીર્ષક:- શાળાના મિત્રો ની યાદ માં.
હૃદયની ગોઠડીમાં કંઈક તો ખોવાયું હતું,
નજર નાખી, પણ જડ્યું કંઈ જ નહીં.
ઘણાં વર્ષોથી દબાયું હતું કંઈક તો,
ટટોળ્યું ફરી એને,
પણ સંભળાયું કંઈ જ નહીં.
જિંદગી તો ચાલતી જ રહી હતી,
પણ કંઈક તો ખૂટતું હતું,
મન તો પ્રસન્ન હતું,
છતાં હૃદય મારું ઝોલાં ખાતું હતું.
પાઠશાળાના મિત્રો મળ્યા ને અચાનક,
હૃદયનું એ ખૂટતું ટેણિયું ડોકાયું.
એ તો મારું બાળપણ હતું,
જે આજે ફરી ઉંબરે ચઢી થનગણાવ્યું.
એ દબી યાદોની મહેફિલના ફરી પડઘા ફેલાયા,
મારા અનમોલ સમયના મોતી ફરી મારા આંગણે રેલાયા.
✍️ જિગર પંડ્યા
