🤍 *રક્ષાબંધન* 🤍
__________________
હૈયાની ભાવનાની કોઇ ધન કિંમત ચુકવી શકશે નહી,
ભાવોનું વરદાન, કોઇ તપ ધ્યાનથી પણ મળી શકશે નહી,
મહાસાગરની તોફાની લહેરોને કિનારો રોકી શકશે, પણ
આ બહેનની સ્નેહ ધારાને કોઇ બંધ પણ રોકી શકશે નહી
ભાઇના કર કમલ પર જે સ્નેહની ગાંઠ બાંધી છે
રક્ષાના આ કવચને કોઇ તીર - કમાન ભેદી શકશે નહી,
આસમાનથી ઉતારી છે જે મેઘ ધનુષની રંગોળી,
ચાંદ સૂરજની આભા પણ તેનું તેજ હરી શકશે નહી.
*- જયવંતભાઇ બગડીયા / કવિરાજ*
