તેં જ ના વાંચી અલી! મારી ગઝલ,
તું ખરી ચંપાકલી! મારી ગઝલ!
મેં લખી'તી તને સંભળાવવા,
તું કહે, તું ક્યાં ચલી? મારી ગઝલ.
તું ખરી પાકટ ને પાકી નીકળી,
તું હતી કેવી ભલી! મારી ગઝલ!
હું પઢું કે તરત તું દાદ દે,
તું ઘણી ઉતાવલી મારી ગઝલ.
લોક અમથા તને કહેતા નથી
તું જ તું છે ચાંપલી મારી ગઝલ.
લોક જૂઠાઓ તને જૂઠી કહે,
તું જ છે સાચુકલી મારી ગઝલ.
ના મળી તે ના મળી તુગાઅંધઅલી,
હું ફર્યો ગલી ગલી મારી ગઝલ.
આવ,ખાલી આવ ખાલી આવને
છે વિનંતી આટલી મારી ગઝલ.
#વિનોદ_ગાંધી
