એ ક્ષણો થોડીક સળવળતી રહી, ક્યાં યાદ છે?
ને ખબર એ ક્યારથી પડતી રહી, ક્યાં યાદ છે?

યાદ છે કે કો'ક મારો હાથ ઝાલી છે ઊભું;
વેદનાઓ ખૂબ ટળવળતી રહી, ક્યાં યાદ છે?

એટલે આભાર માનું છું ભલા અંધારનો;
જિંદગી જાતે જ ઝળહળતી રહી, ક્યાં યાદ છે?

એ મુસીબતનો પરિચય આમ તો નો'તો મને;
એક બે કારણ વિના મળતી રહી, ક્યાં યાદ છે?

રાવ કે ફરિયાદ કોઈ એટલે રહેતી નથી;
જિંદગી એકંદરે ગમતી રહી, ક્યાં છે ખબર?

#ડૉ_મુકેશ_જોષી

Gujarati Poem by અધિવક્તા.જીતેન્દ્ર જોષી Adv. Jitendra Joshi : 111791347

The best sellers write on Matrubharti, do you?

Start Writing Now