દુનિયાથી હાર માનીને તારા તરફ ગતિ મારી.
તને મારો પોતાનો ગણીને તારા તરફ ગતિ મારી.
ખૂબ ભટક્યો આજદિન લગી ભૌતિકતા કાજે,
હવામાં બાચકાંઓ ભરીને તારા તરફ ગતિ મારી.
સમજાઈ ભૂલો ઘણી જે પૂર્વે કરેલી અજ્ઞાનથી,
તારાં પુનિત નામ થકી તરીને તારા તરફ ગતિ મારી.
નથી રહી કોઈ આશા દુન્વયી; નાશવંત જાણીને,
તારી એક ચાહત રહી ખરીને તારા તરફ ગતિ મારી.
વિસરવા ઘટે અપરાધો મારા તારે માનવજાત છું,
તારી હરિ અચળ શ્રદ્ધા ધરીને તારા તરફ ગતિ મારી.
ચૈતન્ય જોષી. ' દીપક ' પોરબંદર.
