ખોવાઈ ગયો
એ દિવસે અમાવસ ન હતી પણ અચાનક ચાંદ અદ્રશ્ય થઇ ગયો,
અરેરે, એ એકદમ ઘનઘોર વાદળોમાં ન જાણે ક્યાં ખોવાઈ ગયો.
આમ તો અમાવસ એક દિવસ સુધી રહે, પણ મારો ચાંદ તો ખોવાઈજ ગયો
રાત અંધારી, રાહ અણજાણ, સવાર પડશે કે નહીં, એટલું બી બતાવી ન ગયો
એ તો જતાં જતાં, મારું સ્વસ્થ, શાંત જીવન સાઉ અસ્તવ્યસ્ત કરતો ગયો
કહ્યું મને ઘર છોડીને ક્યાંય જતી ના, તો તું, ક્યાં ચાલી ગયો?
અચાનક, અમાસ વગર, મારો ચાંદ ઘનઘોર ઘટાઓ માં ખોવાઈ ગયો
Armin Dutia Motashaw
