🍃🌷🍃 સફેદ ચાંદે રણો ઝબોળ્યા 🍃🌷🍃
નયન લડાવી સપન પરોવ્યા સફેદ ચાંદે રણો ઝબોળ્યા !
અધોળ આસવ અમે ય ઘોળ્યા સફેદ ચાંદે રણો ઝબોળ્યા !
છલક છલકતાં જતા એ શ્વાસો, અપાર રાતો ભલી એ વાતો,
ને જળના ટીપાએ જળ ડહોળ્યા સફેદ ચાંદે રણો ઝબોળ્યા !
નભે સિતારા હતા જે નભમાં નિહાળતા બસ રહી ગયા છે,
અહા હા સ્પંદન કમળ શા ડોલ્યા સફેદ ચાંદે રણો ઝબોળ્યા !
કયા બહાને કરીબ આવ્યા ભૂલી સ્વયંને અમે ય ભેટ્યા,
હસીન સાંજે નયન જે ખોલ્યાં સફેદ ચાંદે રણો ઝબોળ્યા !
સમૂળ છોડી બધું ય સોપ્યું નજીક જઇ ત્યાં બધું ય ઢોળ્યું,
અફાટ સાગર ફરી પલોટ્યા સફેદ ચાંદે રણો ઝબોળ્યા !
** નિશિ **
