અંધારું છે બહુ બહાર લાગે
પણ ભીતર અજવાળું પહેલું માગે.
એક દિવસ દીપ પ્રગટાવે નહીં ચાલે
ઝળહળતું જીગર માત્ર મોકે નહીં ચાલે.
ક્ષમા માંગવી ને આપવી હોય કદી એક'દી?
સળંગ ને સતત એ આચરણ હોય તો ચાલે.
ઉમંગ ને ઉલ્લાસ આમ ઘડીભર ન ચાલે
મોકે મોકે મોજ ઉછળતી હોય તો ચાલે.
હેતથી મળવું માણસોને દિવસ એક ચાલે?
હૈયે હૈયું રોજે રોજ મળે તો ચાલે.
કહેવું નથી ઝાઝુ "નીલ " આટલું થાય તો ચાલે
ને આ દિવાળી હવે એક દી' શું? કાયમ હોય તો ચાલે.
રચના:નિલેશ બગથરિયા
"નીલ "
