Ek Din Sab Theek Ho Jayega
Bas thoda sa waqt aur
phir muskurahat ko mask ke andar
chupana nahi padega.
Sadko pe bekhauf chal sakenge
insaano ko insaano se
ghabrana nahi padega
Ek saans ke liye dar badar
bhatakna nahi padega
Ghar se bahar nikalne ke liye
hume darna nahi padega
Phir dosto se mil sakenge
gale bhi sabke lag sakenge
Tyohaaron ka wo shor
ek din phir se sunayi dega
Khabre saari badal jayegi
halaat bhi ye sudhar jayegi
Ek din phir se humko sab
pehle sa dikhayi dega
Subah uth kar kaam pe jana
school me naashta der se khaana
College ki canteen me
wahi puraani baate hogi
Hum khul ke phir se jee sakenge
aur sar utha kar keh sakenge
hara diya is corona ko humne
ek roz aesi bhi ek mehfil hogi
Bas thoda sa waqt aur
sab pehle jesa jarur hoga
