Me janta hu me sirf tumhara dost hu
par kese batau ab dost jesa
mujhe nahi raha jata
Mujhe ye bhi pata hai
tumhari zindagi me koi aur hai
Mujhe bhut kuch kehna hai
me kya karu, tumse nahi kaha jata
Sochta hu bol diya to
tum galat to nahi samajh jaoge ?
Mere dil ki baat janne ke baad
alag tarah se pesh to nahi aaoge ?
Dosti to nahi toot jayegi na ?
bhale tum mana bhi karo
Baatein to phir bhi aesi hi karoge na ?
jese abhi karte ho
Me bhut samjhaya khud ko
ye pyar nahi ho sakta tum bas dost ho
Par dil ne meri ek nahi suni
tumhara hi khawab bunta gaya wo roz roz
Izhaar karu bhi to me kese karu
dosti tootne ka bhut dar lagta hai
tum jitne abhi ho mere
baad me itne bhi na raho to
phir in sabka to koi matlab hi nahi banta hai
Kehte hai pyar ka izhaar bejhijhak kar do
jawab to mil jayega na bhale inkaar ho jaye
Par ye kisi ne nahi bataya ki tab kya karo
jab apni dost se hi tumhe pyar ho jaye
Isliye khaali ishare deta rehta hu
chahta hu tumhe mera pyar dikhe bhi
aur naa bhi dikhe
Pyar ho jane ke baad dost rehna
mushkil hota hai pehle suna tha
ab ye jazbaat mehsoos bhi kiye
Tumse baat karna acha lagta hai mujhe
apne pyar ke chakkar me
mein apni ye aadat nahi chhodh sakta
Tum mujhe apna ek acha dost maante ho
aur me mohabbat bich me laake
tumhara dil nahi tod sakta
Me bechain reh lunga
ye mohabbat ek tarfa hi sahi.. seh lunga
Tumhe kesa lagega ye jaan ke
me wahi sochta hu
Rishte ko aage badhaane ki khwaahish me
kahi dosti hi na bekaar ho jaye
Duniya me har sawal ka jawab hai
to koi ye bhi batao na
Kya kare jab apni dost se hi
tumhe pyar ho jaye
Me exam bhi dena chahta hu
aur parinaam se bhi darta hu
Friendship day se zayda
valentine ka wait karta hu
Pyar hone pe apna bas thodi na hai
agar hota to hone hi nahi dete
Meri tarah apne hi dost se
tumhe pyar ho jaye
To batao.. tum kya karte
Izhaar karte ? Ya jaane dete ?
