રચાયું હશે કેમ આ બ્રહ્માંડ, ગડમથલ માં છું?
કેમ થયું હશે સર્જન પૃથ્વીનું, ગડમથલ માં છું?
નથી અસ્તિત્વ નારી વિના સૃષ્ટીનું જાણે સૌ,
છતાં થાય છે ભૃણ હત્યા, ગડમથલ માં છું;
ખીલી છે આ કળી બનવાને ફુલ ઉપવનનું,
ખીલતાંજ ચુંટીને રગદોળાય, ગડમથલ માં છું;
થાય છે પ્રેમ જન્મોજન્મનો પહેલી નજરમાં,
મળે પછી ગમે બિજું કોઇ, ગડમથલ માં છું;
પાપ ભર્યા હોય છે મસ્તિષ્ક માં વિચારોના,
ગંગામાં ધોઈ આવે છે તન, ગડમથલ માં છું;
મળ્યો છે માનવ અવતાર કરવા ને પર સેવા,
પણ થયો છે માનવી સ્વાર્થી, ગડમથલ માં છું;
કાઢી જીવન કસ્તી ભવસાગરના તુફાન માંથી,
કિનારે આવીને ડુબી જાય, ગડમથલ માં છું;
થાશે એક દિવસ માટી કે રાખ આ ખોળિયું "વિએમ"
છતાં ડરે છે મૃત્યુથી દરેક, ગડમથલ માં છું;
