#શૂરવીર
જીત સાથે રાખી પ્રીત તલવારે લોહીની ધાર એ જ એની રીત.
સાહસને રાખી પડખામાં જોશનું રણશીગું ફૂંકી ઉતરે એ શૂરવીર,
સંબંધને કરી દિલના ખૂણે બંધ ઈ તો કરે દુશ્મનના બંધ ચિત્ત.
મોતને સમજી પોતાનું બાળ લડે છે જે કાળ સંગાથે એ શૂરવીર.
કાયરતાનો બની એ કાળ શત્રુની વીરતાને બિરદાવે એવી એની રીત,
વીંધી છાતી દુશ્મનની બાણે પળમાં પ્રાણ પંખીડું ઉડાડે એ શૂરવીર.
રણનીતિ ઘડી નિત નિત લડી એ સદા મેળવતો રહે એ જીત,
મોતે પણ લોક મોઢે અમર રહી સદા ખુમારી અપાવે એ શૂરવીર.
