દિલ...
દિલના પાનમાં લખેલું નામ,
વાંચવાના અખતરાં કરવા,
અમે સંતાકૂકડી રમીએ રે!
ક્યાં છુપાયું નામ એનો,
ક્યાસ કાઢતા અધરો પર,
સંગેમરમર સ્મિત રેલાયું રે!
દિલ ની દિવાલોના અંધકારને,
લાગણીનો ઉજાસ આપી,
પ્યારનું સંબોધન સીંચ્યુ રે!
ધબકતા દિલ ની રગોમાં,
સ્નેહ ઝરણું ખૂંદી વળવા,
નિત ગોથા અમે મારતા રે!
મહેકતા એ દિલ ની અસ્મિતાની,
અદલા બદલી કરતાં કરતાં,
આંખથી હસ્તક્ષર કરતા રે!
‘સેતુ’ શ્વેતા પટેલ
#દિલ
