ચાલો આજે આપણાં સૌનાં શ્રેષ્ઠ શિક્ષકની વાત કરીએ. અનુભવ વિના આપણે કંઇ શીખી શકતા નથી. હું એવું વિચારું કે મારે ખૂબ જ સારા શિક્ષક બનવું છે કે પછી ખૂબ જ સારા ઉદ્યોગપતિ બનવું છે કે પછી કંઇ પણ, પરંતુ હું આ બધુ માત્ર વિચારું જ છું એવું બનવાની દિશામાં કંઇ જ કરતી નથી. શું હું કરી શકીશ? ના. ક્યારેક તો અનુભવ લેવો પડશે ને! કદાચ પ્રથમ પ્રયત્ને સફળતા ન મળે પણ અનુભવ તો મળશે ને કે હવે નવો કયો રસ્તો વાપરવો.
કોઈ પણ ક્ષેત્રમાં સફળતા મેળવવા માટે અનુભવ લેવો જરુરી છે. સારી શરૂઆત એ અડધી સફળતા બરાબર છે. જો મન દઈને કામ કરીએ ને તો સફળતા મળવાની જ છે અને સાથે અનુભવ તો ખરો જ.
ક્યારેક ખરાબ અનુભવ મળે ક્યારેક સારો. ખરાબ અનુભવ શું ન કરવું તે શીખવશે અને સારો અનુભવ આપણે સાચા રસ્તે છીએ તે જણાવશે.
દરેક અનુભવમાંથી આપણે નક્કી કરવાનું છે કે આપણે શું શીખવું છે અને શું ફરીથી કરવા જેવું નથી.
#અનુભવવું
