સોફા અને પલંગ ની હવે સંગત છે જામી
મિત્રો વગર પણ મહેફિલની રંગત છે જામી !
ઝૂલતો હીંચકોય માલિકનો સાથ પામી ઝુમતો
નવો શર્ટ કબાટ ની બહાર નીકળવા ઝઝૂમતો !
પત્તા ની કેટ બહુ દિવસે બહાર નીકળી મલકે
કેરમ નું બોર્ડ પણ સળવળી કૂકરી સાથે છલકે !
રોજ પડ્યે રવિવાર ની રજા મોજ થી માણો
જીવનને મળ્યો નવો રંગ, એને આજ પિછાણો !
રસ્તાનો સૂનકાર ખાલીપાની ચીસ નાખતો
પંખીઓ નો કલરવ, અે સૂનકારને ગુંજાવતો !
ભલભલું જીરવવાની માનવની અદભૂત તાકાત
અણગમતી એકલતા ને ય કરી લઈશું આત્મસાત !
જંગ છે તારી સામે , જીતીને જ રહીશું આ ' ઘાત '
કોરોના, તું હવે વિદાય લે , સો વાત ની એક વાત !!
