બધી જ વ્યથાઓ હું થોડી જ ક્ષણોમાં કહું
જો તું મારા શ્વાસને થોડી વધુ રફતાર દે !
રામાયણ જોવા ઘેલી થયેલી ડોશીએ આજે
ડોસાને કહ્યું "ચશ્મા થોડો વખત ઉધાર દે" !
ગરીબી એક ક્ષણમાં નાબૂદ થઈ જવાની છે
મજૂરની દીકરીને નવવધૂ જેવો શણગાર દે !
ઘરની બહાર કેમ નીકળવું ? એનો પ્રશ્ન વિકટ છે
પેહલા તું એના જીવનમાં ઘર-બાર દે !
કેલેન્ડરનું પાનું ફેરવવા પણ હિંમત જોઈએ
દરરોજ નવી ઘટનાઓને કોણ આવકાર દે !
ભીંજવવી છે દુઃખની આ આગને 'અંદાજ'
ફરી એક વખત રાગ તું મને મલ્હાર દે !
#ભૂતકાળ
