#સંબંધ
#march_effect
માર્ચ ઍટલે હિસાબોનો મહિનો. આખા વરસનાં જમા-ઉધારની ગણતરી આ મહિનામાં થાય. કોમર્સની આંટીઘુટીમાંથી પસાર થયેલું મારૂં મગજ પણ સળવળ થવા લાગ્યું.મને પણ મન થયું સંબંધોનું સરવૈયું માંડવાનું!
-શાંતીથી વિચારતાં કેટલાક સંબંધો તો 'ઘાલખાદ'ખાતે જ ઉધારવાના હતા😂
-કેટલાક સંબંધો નહીં નફો નહીં નુકશાનનાં ધોરણે એકસરખાં ચાલ્યાં આવતાં હતા, જેટલું રોકાણ તેટલું વળતર.
-કેટલાક એવા પણ હતા જેમાં ભૂતકાળમાં રોકાણના પ્રમાણમાં વળતર હતું પણ વર્તમાનમાં તો મોટી ખાધ દેખાતી હતી!
-કેટલાક સંબંધોમાં શરૂઆતમાં થોડો નફો દેખાતો હતો,પણ સમય જતાં એમાં પણ ઝીણી ફૂદડીવાળું *terms & condition apply દેખાણુ. એ છુપી અપેક્ષાઓ પર વિચારતાં એમાં ભવિષ્યની પાયમાલી દેખાઈ ગઇ..એટલે એ સંબંધ આકસ્મિક ખોટમાં ઉધારી દીધો.
-પાછલા વર્ષે whatsapp,facebook પર અણધાર્યા જૂનાં મિત્રો મળ્યા એને આકસ્મિક લાભ ખાતે જમા કર્યા.
-અને કેટલાક સંબંધો એવા પણ હતા કે જેમાં નજીવા રોકાણ સામે મબલખ વળતર મળ્યું હતું.
આ લેખાં-જોખાંને અંતે નક્કી કર્યું કે-
-ખોટનાં સંબંધોવાળો ધંધો બંધ કરવો,
-નહીં નફો નહીં નુકશાનવાળા સંબંધો અને ઘાલખાદમાં વધારે મહેનત ન કરવી.
-*ઝીણી ફૂદડીવાળાને તો દુરથી નમસ્કાર🙏
-અને જેમાં મબલખ વળતર મળે છે એના પર પુરતું ધ્યાન આપવું.
ચાલ, કબૂલ્યું મેં સંબંધોમાં
જમા-ઉધાર ન હોય,
તો કહો દુનિયાને પણ કે રમત
લાગણીની ન હોય!
✍️કિનાર રાણા
