હસીખુશી દરરોજ હોતી નથી જિંદગીમાં.
હરપળે સુખની ખોજ હોતી નથી જિંદગીમાં.
ડગલેને પગલે આવતાં પરિવર્તનો અકળાવે,
પ્રતિદિન આપણી મોજ હોતી નથી જિંદગીમાં.
દુઃખ પછી સુખનું આવવું નક્કી જ સમજવું,
કેવળ સંમુખ દુઃખની ફોજ હોતી નથી જિંદગીમાં.
હસી લેવું પરિસ્થિતિને છે શાણપણ આપણું,
હર આફત હરવખ્ત બોજ હોતી નથી જિંદગીમાં.
ન મળે મનભાવન તો નિરાશા ઘેરી લેતી કદીક,
દરેક સમે ગાંગુતેલીને ભોજ હોતી નથી જિંદગીમાં.
ચૈતન્ય જોષી. " દીપક " પોરબંદર.
