તમને એમ નથી લાગતું સરકાર તમારી સાથે મજાક કરી રહી છે ? કે પછી નિયમો કાયદા બનાવાની પ્રયોગ શાળાની જેમ તમારો ઉપયોગ કરી રહી છે.
હાલની જ બે ઘટનાઓ ને ધ્યાનમાં લઈએ હેલ્મેટ મરજીયાત અને બિન સચિવાલય.
પહેલાં ટ્રાફિકના નિયમો જાહેર કર્યા પછી એના માટે સમય આપ્યો, એ પછી પણ સમય મર્યાદા વધારી, અને પછી આખરે
હેલ્મેટ મરજીયાત કર્યુ. એ પહેલાં બહાનુ હતું સરકારને લોકોના જીવની ચિંતા છે એટલે ફરજીયાત હતું તો હવે રદ કરીને ચિંતા દુર થઈ ગઈ ? નિયમ લાવીને દંડના સ્વરુપે અઢળક રુપિયાની ઉઘરાણી કરી, લોકોને હેલ્મેટ લેવા મજબૂર કર્યા,હેલ્મેટ માટે લાઈનો લગાડી અને આખરે નિર્ણય બદલી નાખ્યો, સાવ આવું તે કેવુ ? શું કોઈ પણ નિર્ણય લાગુ કરતાં પહેલાં એના પર ચર્ચા વિચારણા થતી નથી. શું ઊંઘમાંથી ઝબકીને અચાનક નિયમો લગાવી દેવામાં આવે છે ? ખરેખર હવે તો મજાક કરતાં હોય એવું લાગે છે.
સરકારી પરીક્ષામાં ગયા વર્ષે આજ સમયે લોક રક્ષકદળનું પેપર ફુટ્યુ હતુ, એ પછી સરકારના મંત્રીઓએ કહ્યુ હતુ આવુ નહી થાય હવે તોય પાછું એનૂં એજ, તો શું આને સરકારની નિષ્ફળતા કેમ ન કહેવાય, પરીક્ષા માટે અણઘડ નિયમો લાવે અને બે દિવસમાં રદ કરે, શું આજ સુશાસન કહેવાય ? લાગુ કરતાં પહેલાં વિચાર કરતાં હશે કે કેમ ?
એજ રીતે નોટબંધી, GST જેવી યોજનાઓમાં પણ લોકોને હેરાન કર્યા જ છે. એમના માટે નવુ નથી પણ લોકો કેમ સમજતાં નથી ?
તોય પાછી સંવેદનશીલ સરકાર......?
© નેલ્સન
