બાકી રિપોર્ટસ તો બધું નોર્મલ જ દેખાડે છે
ઊંચાનીચા પલ્સરેટને, ઈ.સિ.જી સંતાડે છે
સ્ક્રીન જ્યારે એમને 'ઓનલાઇન' બતાડે છે.
બાકી રિપોર્ટસ તો બધું નોર્મલ જ દેખાડે છે
પ્લેટલેટ પણ છે એમની 'લાઈક્સ' ને ભરોશે
ઓછી મળે તો, 'કાઉન્ટ ' વધારે ગણાવે છે
બાકી રિપોર્ટસ તો બધું નોર્મલ જ દેખાડે છે
હિમોગ્લોબીનમાં ય ક્યાં હામ હતી સાહેબ,
ઓફ્લાઈન થઈને એજ બધા સેલ ઘટાડે છે
બાકી રિપોર્ટસ તો બધું નોર્મલ જ દેખાડે છે
એક્સ રે મા પણ વળી કઈક એવું જ લાગે છે
ઘા દિલ નો છે ને ,તોય એ હાડકા માં બતાડે છે
બાકી રિપોર્ટસ તો બધું નોર્મલ જ દેખાડે છે
કોલેસ્ટ્રોલ ને કોઈ કશું ય કહેશો નહિ,ભાઈ
નળીઓ માં રુધિર એ જ તો વહેવડાવે છે
બાકી રિપોર્ટસ તો બધું નોર્મલ જ દેખાડે છે
એન્જીઓગ્રાફી નું તો કઈ ઉપજશે નહિ
સ્વાદ નવા દિલને, રોજ એજ તો ચખાડે છે
બાકી રિપોર્ટસ તો બધું નોર્મલ જ દેખાડે છે
સોનોગ્રાફી આમ તો ઘણી સુંદર થઈ છે તોય
સિમ્પ્ટમ આ નવા કંઇક અચરજ પમાડે છે
બાકી રિપોર્ટસ તો બધું નોર્મલ જ દેખાડે છે
મીઠાશ આ એમના હોઠો ની ઉછીની લીધી
ડાયાબિટીસ ચારસો ને પાર પહોંચાડે છે
બાકી રિપોર્ટસ તો બધું નોર્મલ જ દેખાડે છે
કોમેંટ્સ હવે એમની કોઈ કામ નહિ આવે,
મેટાબોલિઝ્મ આ અમારું એ જ તો બગાડે છે
બાકી રિપોર્ટસ તો બધું નોર્મલ જ દેખાડે છે
નરેશ ગજ્જર
