#AB ?kunjdeep...
આવી રહયો છું હું જલદી
કહેજો મારી પ્રિયતમા ને દુખી ન થાય લગાર,
મેઘલા વાદળો એ આજ આપ્યો અણસાર...
ચાતક હવે બસ થોડી જ વાર
સંભળાય રહયો મને રાગ મલહાર,
મેઘલા વાદળો એ આજ આપ્યો અણસાર...
તારી તૃષ્ણા ની હું કરીશ તૃપ્તિ
તારા મિલન ના સજાવી નવલા શણગાર,
મેઘલા વાદળો એ આજ આપ્યો અણસાર...
મયુર પંખ ફેલાવી થનગને ચારેકોર
વનરાજીમાં ખુશ થઈ કોયલી કરે ટહુંકાર,
મેઘલા વાદળો એ આજ આપ્યો અણસાર...
મન ગમતી મેઘા નું નામ સાભળી
પ્રેમીઓના હૈયા મલકાય ને હરખાય,
મેઘલા વાદળો એ આજ આપ્યો અણસાર...
રાધા રાહ જોઈ તારી બ્રિજવન માં
માધવ ની મોરલી ના સુર સંભળાય,
મેઘલા વાદળો એ આજ આપ્યો અણસાર...
-કુંજદીપ.