જ્યારે વફામાં દગાનો માર લાગે છે
ફૂલ ને પણ ઝાકળનો ભાર લાગે છે
હતો ખરો ઘવાયેલ પ્રેમમાં એ સમય
એ ચોટની અસર હવે અસરદાર લાગે છે
એના પ્રેમની સીમાઓ તો બસ એક હદ સુધી જ
મારા પ્રેમની સીમાઓ હદથી યે પાર લાગે છે
આ હૃદયથી હૃદયનું જોડાણ કંઈક એવું
એને ઠેશ પણ વાગે તો મને પીડા અપાર લાગે છે
એની યાદોને સજાવી બેઠો છું એવી દિલમાં
કે હર ધબકાર પર એની યાદોનો ભાર લાગે છે
તાંતણે તાંતણે બંધાતા વિશ્વાસ વર્ષો વીતી જશે
પણ એ તાંતણે કાતર લાગતા પળવાર લાગે છે
ગમ-એ-મહેફિલમાં ન હતો એકલો 'આમિલ'
નેજવો માંડી જોયું તો લાંબી કતાર લાગે છે
- સિદ્ધ ચારણ(આમિલ)
Mo.9586788806