#काव्योत्सव -२
#आयुष्य -जीवन
कुंद वाटा कुंद हवा
पाऊस येईल नवा नवा
घेऊन येईल हळुवार माया
धरतीच्या काहिलीला देईल छाया!
माझ्या मनाही हवा विसावा
थेंबांच्या लडीतून उतरेल गारवा
त्या गारव्याने मोहरतील क्षण
आनंदघनाने थुईथुई नाचेल अंगण!
अंगणात तरारेल मोगरा
हासरा लाजरा अन् साजिरा
त्याच्या मऊशार अंगावरती
पाऊसथेंबांची उमटेल बुट्टी!
मी ही भिजावे
बहरून यावे
गंध मातीचा उरी भरूनी
मोगर्याप्रमाणे मी दरवळावे!
