એક અકિંચન  ફકીર   જાણેકે,
એ જ  ઈશ્વર  કરીબ  જાણેકે.

મન,વગર  પાંખનું અહીં પંખી;
નભ  વિહારી  સમીર  જાણેકે.

છે છતાં,કાંઈ  પાસ  ના  રાખે;
કર્ણ   સમ   દાનવીર  જાણેકે.

અંત  એના   થકી   શરૂઆત,
એક   એવી   લકીર   જાણેકે.

કર્મથી પ્રાપ્ત થાય  એ  સઘળું,
એ જ  સાચું  નસીબ  જાણેકે.

રે  સદા  એ  પરોપકારી  જીવ,
એ  હિસાબે   રહીમ   જાણેકે.

ના  સતત  માંગવું  પ્રભુ  પાસે,
એ જ સાચો  અમીર   જાણેકે.

-અશોક વાવડીયા

*અકિંચન= જરૂરિયાતથી વધારે ધનનો સંગ્રહ નહિ કરનાર

છંદ= ખફીફ બહર નો ૧૭ માત્રા
ગુજરાતી શબ્દો
ગાલગાગા લગાલગા ગા ગા
અરબી શબ્દો
ફાઈલાતુન મફાઈલુન ફઅલુન

Gujarati Poem by Ashok Vavadiya : 111165472
Ashok Vavadiya 8 year ago

ખૂબ ખૂબ આભાર આપનો...આપનો મુલ્યવાન પ્રતિભાવ મારા માટે અમુલ્ય ભેટ છે આથી વધારે શું જોઈએ મારી કલમને.

The best sellers write on Matrubharti, do you?

Start Writing Now