નવા_દુઃખો#૭
આ દુઃખો મારો પીછો જ નથી છોડતાં. ફટાફટ પીરસી દઉં હોં, અત્યારે બ્રેક ફાસ્ટ માં જ લઈ લેજો હોં !
1. અને 2 નંબર ના દુઃખો હમણાં યાદ નથી..ભૂલી ગઈ છું.
૩.ગઈ કાલે ભર બપોરે બિલ્ડિંગ નાં છોકરાં ઓએ બેલ મારી ને પાણી માંગ્યું. મે કહ્યું, બહાર જ ઊભા રહો, લાવું છું. એમ કહી રસોડા માં જઈ , પાણી પી ને હું રુમ માં જતી રહી. ૧૫ મિનિટે ફરી બેલ વાગ્યો. બીતા બીતા છોકરાઓ એ ફરી પાણી માંગ્યું ,મે કહ્યું કે લો હું તો ભૂલી જ ગઈ. હું પોતે પાણી પી ને બેસી ગઈ.
અડધો જ કલાક માં છોકરાં એક રેકોર્ડ કરેલું મશીન લઈ ને ફરી આવ્યા .આંટી, તમે ભારે ભૂલકણા છો, લો આ કાન માં ભૂંગળા ભરાઈ ને સતત સંભલ્યા કરજો. તમારે જાન નું જોખમ છે.મને નવાઈ લાગી.. સાંભળ્યું તો એમાં રેકૉર્ડ કરેલું હતું , " શ્વાસ લો... શ્વાસ છોડો.. શ્વાસ લો.. શ્વાસ છોડો.. "
ઘર માં સૌ મારી પર હસ્યાં..હું નવેસર થી દુઃખી !
હવે તમેય હસતાં હો, તો હું શ્વાસ લઉં જરા !!
