સહકારથી જ સિદ્ધિ સાંપડે એ સત્ય સનાતન.
સાધન થકી જ સાધ્ય ફળે એ સત્ય સનાતન.
તાળી ન પડે એકલહાથે ક્યારેય કદીએ જગમાં,
જો બીજો આવી એમાં ભળે એ સત્ય સનાતન.
હાથ ઝાઝા થાય રળિયામણાને તે સિદ્ધિને વરે,
બળ એકતાનું પ્રયત્નને મળે એ સત્ય સનાતન.
કીડી ઝાઝી સાપને લૈ જાય તાણી એ હકીકત,
સંપથકી જ સફળતાને વરે એ સત્ય સનાતન.
ઈંડાં ટીટોડીના મળ્યાં પાછાં નાત ભેગી થૈ જાય,
સાગર જેવો સાગર ખળભળે એ સત્ય સનાતન.
ચૈતન્ય જોષી પોરબંદર. ' દીપક '
