કેવી રીતે
સવાલો ઉદભવ્યા મનમાં અનેક,
જવાબ મળ્યો એક જ, હવે
પુછવુ કેવી રીતે..
દરવાજે થયા ટકોરા અનેક, આવ્યો
દરવાજો પણ હવે અવઢવ માં
ખુલવું કેવી રીતે..
ગુલાબ સરીખા ફુલ જેવા જીવનમાં,
કાંટા સમાન થઇ ગઇ જીંદગી
જીવવું કેવી રીતે..
પત્ર પણ લખ્યો ઝાંકળથી તમે,
ને ખોલ્યો વળી અમે તડકા માં
વાંચવો કેવી રીતે..
ચોતરફ રણમાં દેખાયું એક ઝરણું,
નજીક પહોંચ્યા ને હતું મૃગજળ
પીવું કેવી રીતે..
શબ્દો ઢોળાઇ રહ્યા છે શાહીમાંથી,
પણ કાગળ જોને રહી ગયો કોરો
વાચવું કેવી રીતે..
ડો.નમ્રતા ધારવિયા
