હૈયે આજે ખુબ અકળામણ થઈ,
અચાનક બારી ઉપર નજર ગઇ.
એક ચકલી ને આનંદ થી
ચિચિયારી કરતાં જોઈ.
અદેખાઈ થઈ મને તેને આનંદિત જોઈ,
અનાયાસે જ તેને વાત પૂછાઇ ગઇ...
"કેવી રીતે આટલી આનંદિત રહી શકે તું,
સદી ઓ થી ફક્ત ચોખા ની ચણ લઈ?"
વાત સાંભળી મારી, એને મનુષ્ય ની વાચા થઈ.
રે ભલા આદમી...
બુદ્ધિ તો તને અમારા કરતા અનેક ઘણી મળી ગઇ,
પણ ઇચ્છા ઓ ની વણજાર લગાવી તેં,
તેમાં તારી ખુશી રોળાઈ ગઇ.
મળ્યુ જે, એ મોજ થી માણી લે,
ભેગું કરવાની ઇચ્છા તજી દે.
સંતોષ ની મૂડી તુ સાચવી રાખ,
દેખા દેખીમા ન ખોવી દે.
હૈયા ની અકળામણ ઓછી કરી,
એ ચકલી તૉ ઉડી ગઇ.
"શ્રી શ્રી શ્રી" જેવા કોઇ મોટા વિશેષણ વગર,
એ નાની સી ચકલી,
આર્ટ ઓફ લિવિંગ શીખવી ગઇ.
❤️?
