તને જાતાં જોઇ પનઘટની
હે તને જાતાં જોઇ પનઘટની વાટે, મારું મન મોહી ગયું;
હે તારા રૂપાળા ગોરા ગોરા ઘાટે, મારું મન મોહી ગયું.
હે તને જાતાં જોઇ…
કેડે કંદોરો ને કોટમાં દોરો,
તારા લહેરિયાની લાલ લાલ ભાતે, મારું મન મોહી ગયું.
હે તને જાતાં જોઇ…
બેડલું માથે ને મહેંદી ભરી હાથે,
તારી ગાગરની છલકાતી ઝાંટે, મારું મન મોહી ગયું.
હે તને જાતાં જોઇ…
રાસે રમતી, આંખને ગમતી
પૂનમની રઢિયાળી રાતે, મારું મન મોહી ગયું.
હે તને જાતાં જોઇ…
હે તને જાતાં જોઇ પનઘટની વાટે, મારું મન મોહી ગયું;
હે તારા રૂપાળા ગોરા ગોરા ઘાટે, મારું મન મોહી ગયું.
