#bhavansdakor
જિંદગીમાં દુખને કાયમ તારનારી મિત્રતા,
મિત્રને સાચી દિશા દર્શાવનારી મિત્રતા.
કામ ખુદના સૌ ત્યજીને ચાલનારી મિત્રતા,
સ્વાર્થ દિલમાં કોઈ દી ના રાખનારી મિત્રતા.
દર્દ હંમેશાં હૃદયનાં વાંચનારી મિત્રતા,
મિત્રને હર હાલમાં સંભાળનારી મિત્રતા.
માત્ર એ સુખના સમયમાં સાથ ના આપે કદી,
જિંદગીનાં હરપળે સુખ આપનારી મિત્રતા.
સાવ સાદી રીતે એ જીવનને જીવી ના શકે,
બોર ખટમીઠાં જીવનનાં ચાખનારી મિત્રતા.
-ઉમેશ તામસે 'ધબકાર',
વ્યારા (તાપી)
મો-9638699553
