अंगणात माझ्या वृक्ष डेरेदार
पक्षिगणांच्या अस्तित्वाचे राखणदार
एक सुतारपक्षी लाल तुर्याचा
त्याच्या मित्रांसमवेत अंगणात यायचा
आवाज त्यांचा खूप बडबडही फार
एकमेकांना गोष्टी सांगतात भारंभार
आज आली त्याला हौस नाच करण्याची
झाडाच्या बुंध्याला बिलगून गिरकी घेण्याची
त्याला नव्हते माहिती की मी उभी होते
त्याचे सगळे विभ्रम दुरुन पाहत होते
लाल तुरा उडवीत गोल फिरून दमला
माझ्या मनाला कोवळा हळुवार आनंद देऊन गेला.
