બેસ ને સાથે ઘડીક વાર, ચલ ને થોડી વાત કરીએ
કાઢ ને થોડી ફુરસદ આજે,કદીક તો થોડી નિરાંત કરીએ !
ઝીલ્યા હશે તેં પણ કદીક તો હૃદય પર કારમા ઘા
હૂંફ નું પીણું પીવડાવું હું ,ને હળવો તારો વલોપાત કરીએ !
...ચલ ને થોડી નિરાંત કરીએ !!
થપાટો ખાઈ જીંદગીની,આપણે પણ બન્યા ક્યાંક કડવાં
મધુરી સરગમ થઇએ આજથી,ના કદી કટું વાત કરીએ !
...ચલ ને થોડી નિરાંત કરીએ !!
આ ભાગદોડ વાળી જીંદગી, વીતી જશે પલક વારમાં,
ડગલાં લઈએ થોડાક ધીમાં, એકબીજાનો સંગાથ કરીએ !
...ચલ ને થોડી નિરાંત કરીએ !!
પ્રેમ કેરો સહારો આપીએ, લાગણી કેરી રંગોળી કરીએ
પ્રીત ની જેડી પર ચાલી, સનેહવર્ષા લાગલગાટ કરીએ !!
...ચલ ને થોડી નિરાંત કરીએ !!
