ગગનમાં તું , મારામાં તું કે મારી ચોપાસ જણાવી દે તું ,
જગતમાં ફેલાયો છે કોનો આ અજવાસ જણાવી દે તું .
વૃક્ષને પાંદડે લીલપ થઇ ખીલે ને પાનખરમાં પીળાશ થઇ ખરે ,
સવારમાં કલરવ લઇ પંખીનો આકાશને ભરે.
તારા પગલાંની છાપનો છે કોઈ અવકાશ ,જણાવી દે તું.
ગગનમાં તું , મારામાં તું કે મારી ચોપાસ જણાવી દે તું ,
જગતમાં ફેલાયો છે કોનો આ અજવાસ જણાવી દે તું .
ફૂલમાં ફોરમ લઇ તું હવાઓમાં પ્રસરે ,
વરસાદી મોસમમાં ભીની માટીની મહેકે લસરે.
મોસમનો કઈ રીતે અનુપમ આવાસ જણાવી દે તું .
ગગનમાં તું , મારામાં તું કે મારી ચોપાસ જણાવી દે તું ,
જગતમાં ફેલાયો છે કોનો આ અજવાસ જણાવી દે તું .
આસ્થાનો તું છે અડીખમ વિશ્વાસ ,
કે માનવતાનો ઝળહળતો ‘પ્રકાશ’.
કે પછી દોસ્તીના સંબંધની સોનેરી સુવાસ જણાવી દે તું.
ગગનમાં તું , મારામાં તું કે મારી ચોપાસ જણાવી દે તું ,
જગતમાં ફેલાયો છે કોનો આ અજવાસ જણાવી દે તું .
ગગનમાં તું , મારામાં તું કે મારી ચોપાસ જણાવી દે તું ,
જગતમાં ફેલાયો છે કોનો આ અજવાસ જણાવી દે તું .
િજજ્ઞેશકુમાર ડી. ત્રિવેદી 'પ્રકાશ'
