* " નથી ગમતી મને "*
@ કવિતા......
ચાંદની વિનાની રાત નથી ગમતી મને,
માણસાઈ વિનાની વાત નથી ગમતી મને.
હાથીના દાંત બતાવવાના જુદા અને ચાવવાના જુદા,
બદલાતા ચેહરા ની જાત નથી ગમતી મને.
અણમોલ જીંદગી ની ક્ષણોને કેમ વેડફી નાખુ???
આ જગત ની ફાલતુ પંચાત નથી ગમતી મને.
મહેનત નો પરસેવો સૂકાવા નથી દેવો,
દોડતા રહેવા દો નિરાંત નથી ગમતી મને.
જે કહેવું હોય તે મારા મોઢા પર કહો,
સંબંધોમા ઝેર ની સોગાત નથી ગમતી મને.
" ભાવના " કંઈ નવુ શીખવાનું ના મળે તો,
એવા લોકોની મુલાકાત નથી ગમતી મને..........
