#kavyotsav
આજે હું પોતાની મુલાકાતે નીકળ્યો
મારી અંદર ચાલતા વિચારોને મળ્યો
પહેલો ભેટો થયો અંદરના અહમનો
થોડી વારમાં બરફની જેમ પીગળ્યો
બીજો ભેટો'તો આંતરિક લાગણીનો
ઉષ્માથી એની હું કોઈનામાય ભળ્યો
ત્રીજો ભેટો ક્રોધનો થયો કે હુતો ડર્યો
ન ફાવતા એને તો મેં પાછળ છોળ્યો
આગળનો ભેટો થ્યો સંતાયેલા પ્રેમનો
બેઠો,આરામ કર્યો ને ખૂબ ગળે મળ્યો
અંતમાં ભેટો થયો મારી અંતરાત્માનો
તેને મળી મુલાકાતનો પૂરો ફેરો ફળ્યો
એક ખોજ પુરી થઈ આ "હાર્દ" તારી
કેવો મજાનો જાણવાનો જસ જળ્યો
-- હાર્દિક સવાણી "હાર્દ"
