તું સાથે રહેશે ને?
આવો સવાલ
નથી તેં પૂછ્યો, નથી મેં...
એ દિવસે તું લાવેલો એ ગુલાબ
મેં કૂંડામાં વાવી દીધેલું
તે એનાં પર રોજ નવી પાંદડી ઉગે છે
હવે
આપણે કોરા કાગળ પર દોરેલા સૂરજને
બેઉનાં આંગણે વાવી દેવાનો છે
અને એમાં પૂરેલા સાંજનાં સિંદૂરી રંગને
ક્ષિતિજ પર વેરી આવવાનો છે
તારે મને મળવું હોય
કે મને તને મળવું હોય
એ પ્રત્યેક પળ
સપ્તપદીની પળો છે
તને ખબર છે?
એક સંબંધને લાંબુ જીવવા માટે શું જોઇએ?
પ્રેમ, સમજણ, રોમાંચ, સમય અને પરિપક્વતા...
ચિંતા નહીં કરતો
આ પાંચે ય આપણાં કહ્યામાં રહેશે
આપણાં બેઉ કરતાં
એ વધારે ઓબિડિયન્ટ છે....!!!
મિત-7016228505
