#MERAKRISHNA
જે માતા સાથે બાળક, પ્રેમી સાથે પ્રિયજન.
જે મિત્ર સાથે પરમ સખા, ભક્ત સાથે ભગવાન.
એ પુરુષોમાં પુરુષોત્તમ અને યોગીઓમાં યોગેશ્વર.
એ જેટલો યશોદાનો, એટલો જ દેવકીનો.
જેટલો રાધાનો, એટલો જ મીરાંનો.
જેને મળે એને પૂર્ણ જ મળે…એ મારો કૃષ્ણ...
હું હસું ત્યારે હસે,
રડું ત્યારે, હસતાં શીખવે,
અને એને યાદ કરું…
ત્યાંરે આંખ સ્નેહજળથી છલકાય…એ મારો કૃષ્ણ.
એ માનવ જેવો ઈશ્વર છે,
અને ઈશ્વર જેવો માનવ.
જે મંદિરમાં વારંવાર પડદા પાછળ છુપાઈ જાય,
પણ જેને કોઈપણ પડદા વિના મળી શકાય…એ મારો કૃષ્ણ.
કૃષ્ણ એટલે….બધું જ.
બધું જ ક્યારેય ક્યાં કહી શકાયું છે!
કૃષ્ણ એટલે….કૃષ્ણ.
- બૈજુ જાની 'માનવ'
