Quotes by Joshi Hitesh in Bitesapp read free

Joshi Hitesh posted an update Gujarati Poem

*સમજો નહીં કે જુલમ સહું છું ને રોઉં છું,*
*આમ તો તમે જે પાપ કરો છો એ ધોઉં છું.*

*નિષ્ફળ પ્રણયનો પંથ છે પણ સાથ તો જુઓ,*
*પહેલાં ગુમાવ્યાં તમને, હવે ખુદને ખોઉં છું.*

*તારા વિરહમાં નીંદ તો ક્યાં છે નસીબમાં ?*
*તારાં સ્વપ્ન તો જાગી રહ્યો છું ને જોઉં છું.*

*ખુદ હું જ મારો પીછો કદી છોડતો નથી,*
*જ્યાં જ્યાં હું જાઉં છું ત્યાં બધે હું જ હોઉં છું.*

*રાખે ન આમ કોઈને અલ્લાહ એકલા,*
*કે રોઉં છું ને હું પછી આંસુ લોઉં છું.*

*શોધું છું મારું સ્થાન જગતમાં હું એ રીતે,*
*અંધારી રાતે જાણે અરીસામાં જોઉં છું.*

*‘બેફામ’, મારા મૃત્યુ ઉપર સૌ રડે ભલે,*
*મારા જનમ ઉપર તો ફક્ત હું જ રોઉં છું.*

*– બરકત વીરાણી ‘બેફામ’*

*?હર હર મહાદેવ?*
*स्वनाम धन ही केवलम्*

10 others like this post.

Joshi Hitesh posted an update Gujarati Poem

5 year ago

*આજે પેશ છે બેફામસાહેબના ચંદ ચુનંદા શેર.*

*જિંદગીને મોતનો જો ભેદ ના રાખો તમે,*
*જેના ખાલી હાથ છે એ સૌ સિકંદર લાગશે !*

*ફક્ત જીતવી નથી મારે તો રચવી છે નવી દુનિયા,*
*કવિ મુફલિસ છું પણ છું એક કદમ આગળ સિકંદરથી !*

*અનુભવથી ના જીવન ઘડ,* *અનુભવમાં તો લાંછન છે,*
*તમાચાની નિશાની કાંઈ લાલી થઈ નથી શકતી !*

*પથ્થરોને જે ઘડે એ હો કલાકારો ભલે,*
*બાકી માણસને તો ઠોકરોથી ઘડે છે પથ્થરો !*

*– બેફામ*

*?હર હર મહાદેવ?*
*स्वनाम धन ही केवलम्*

209 Views

2 others like this post.

Joshi Hitesh posted an update Gujarati Poem

5 year ago

*ખુદા, તારી કસોટીની પ્રથા સારી નથી હોતી;*
*કે સારા હોય છે એની દશા સારી નથી હોતી.*

*ખૂબી તો એ કે ડૂબી જાય તો લઇ જાય છે કાંઠે,*
*તરો ત્યારે જ સાગરની હવા સારી નથી હોતી.*

*સિતારા શું કે આવે છે દિવસ રાતોય ગણવાના,*
*હંમેશાંની જુદાઇની દશા સારી નથી હોતી.*

*જગતમાં સર્વને કહેતા ફરો નહિ કે દુઆ કરજો,*
*ઘણાંય એવાંય છે જેની દુઆ સારી નથી હોતી.*

*નથી અંધકારમય રસ્તો છતાં ખોવાઇ જાયે છે,*
*સૂરજને પણ સફર માટે દિશા સારી નથી હોતી.*

*બધાં સુખનો સમય મળતાં ભરે છે દમ ગરૂરીના,*
*વસંત આવ્યા પછી અહીંયા હવા સારી નથી હોતી.*

*વધે છે દુઃખના બોજા સાથ એક ઉપકારનો બોજો,*
*બતાવે છે મનુષ્યો એ દયા સારી નથી હોતી.*

*કબરમાં જઇને રહેશો તો ફરિશ્તાઓ ઊભા કરશે,*
*અહીં ‘બેફામ’ કોઇ પણ જગા સારી નથી હોતી.*

*– બરકત વિરાણી ‘બેફામ’*

*?હર હર મહાદેવ?*
*स्वनाम धन ही केवलम्*

8 others like this post.

Joshi Hitesh posted an update Gujarati Poem

5 year ago

*દરિયો હતો, હોડી હતી, ને ખારવો હતો*
*એવે સમે ખુદા તને પડકારવો હતો.*

*એવા પ્રયાસમાં હું સતત જીતતો ગયો,*
*જીતેલ દાવને ફરીથી હારવો હતો.*

*રણમાંય મજા થાત; ખામી આપણી હતી,*
*રણને જ આપણે બગીચો ધારવો હતો.*

*જીત્યાનો અર્થ હાર પણ ક્યારેક થાય છે,*
*એવી જ હારથી તને ઉગારવો હતો.*

*ઊંચકી શકું, એનાથી વધુ ભાર લૈ ફર્યો,*
*થોડોક ભાર, હે ગઝલ ! ઉતારવો હતો.*

*– અશોકપુરી ગોસ્વામી*

*स्वनाम धन ही केवलम्*

5 others like this post.

Joshi Hitesh posted an update Gujarati Poem

5 year ago

*તું તને ખુદને નડે એમાં શનિ, રાહુ કે મંગળ શું કરે?*
*જાત સાથે તું લડે એમાં શનિ, રાહુ કે મંગળ શું કરે?*

*એક જ્યોતિષે કહ્યું કે ઝાડનો સારો સમય છે, તે છતા,*
*પાંદડાં થોડા પડે એમાં શનિ, રાહુ કે મંગળ શું કરે?*

*આભ આપ્યું જા તને, પાંખોય આપી ને હવાનો સાથ પણ,*
*તે છતા તું ના ઉડે એમાં શનિ, રાહુ કે મંગળ શું કરે?*

*તું પડે તો કોઈ તારો હાથ ઝાલીને બચાવી ના શકે,*
*એટલો ઊંચે ચડે એમાં શનિ, રાહુ કે મંગળ શું કરે?*

*છે ખુશીની વાત, વર્ષો બાદ એણે યાદ આપી છે તને,*
*યાદમાં એની રડે એમાં શનિ, રાહુ કે મંગળ શું કરે?*

*-શૌનક જોષી*

*?હર હર મહાદેવ?*

3 others like this post.

Joshi Hitesh posted an update Gujarati Poem

5 year ago

*ગઝલ:મુફલિસ દશામાં છું.*
********************************
*લગાગાગા લગાગાગા લગાગાગા*
--------------------------------------------------

*નથી હું શ્વાસમાં, ખાલી હવામાં છું,*
*હું તો તારા વગર મુફલિસ દશામાં છું.*

*ભર્યા છે ભીતરે દરિયા દરદના જો,*
*ચહેરેથી ભલે લાગે મજામાં છું.*

*તને લાગે કે હું ભટકી ગયો છું,પણ,*
*હકીકતમાં હું તો સાચી દિશામાં છું.*

*મળી છે કેદ સ્વપ્નોને કારણ શું?*
*હું તો બસ પ્રેમ કરવાના ગુનામાં છું.*

*ગગન,તારા, સૂરજ,સાગર બધા તારા,*
*ખબર તો છે,હવે ક્યાં હું કશામાં છું.*

*નકાર્યો જેમણે સમજી મને મુફલિસ,*
*ઉભો છું મંચ પર, ભરચક સભામાં છું.*

*ગઝલમાં હોય છે ઉલ્લેખ બસ તારો,*
*બધા કે છે હું તો તારા નશામાં છું.*

*ગુલાબી હોઠ, આંખો, ગાલ ને ખંજન,*
*ભૂલી શકશે મને! હું તો બધામાં છું.*

*વહેતુ "આશુ" ખંજનમાં ભળે અંતે,*
*હું આજીવન જો તો તારી વફામાં છું.*

*@આશુ*
*અશોક આઈ. લાલવાણી,સુરત.*

5 others like this post.

Joshi Hitesh posted an update Gujarati Poem

5 year ago

*પ્રેમમાં કંઈ જ અંતરાય નથી*
*હો ન હિંમત તો કંઈ ઉપાય નથી*

*આમ ફુરસદ નથી ઘડીભરની*
*આમ કંઈ ખાસ વ્યવસાય નથી*

*રસ્તે રઝળે નહીં તો ક્યાં જાએ!*
*આશરો જેનો ઘર સિવાય નથી*

*લ્યો, વલી થઈ જવાની તક આવી*
*ક્યાંયથી પણ કશી સહાય નથી*

*આપ ગભરાઈને જતા ન રહો*
*આ છે છેવટના શ્વાસ, હાય નથી*

*એના મોંઘા મિલન નિભાવું છું*
*મારી તકદીરમાં વિદાય નથી*

*એમ બેઠો છું તારી ભીંત તળે*
*જાણે દુનિયામાં અન્ય છાંય નથી*

*ન્યાયમાં મહેરબાની રાખે છે*
*મહેરબાનીમાં જેની ન્યાય નથી*

*~ મરીઝ સાહેબ*

271 Views

8 others like this post.

Joshi Hitesh posted an update Gujarati Poem

5 year ago

*તબક્કે-તબક્કે તફાવત નડે છે*
*મને, માત્ર મારી શરાફત નડે છે !*

*નથી જઈ શકાતું ઉપરવટ, સ્વયંથી*
*અને આખરે, એ જ બાબત નડે છે !*

*બધાં ફળ મુકદ્દરને આધિન નથી કઈં*
*ઘણીવાર, ખુદની ય દાનત નડે છે !*

*ઉલેચાય ઈતિહાસ, તો ખ્યાલ આવે*
*કે સરવાળે, એકાદ અંગત નડે છે !*

*નડે છે મને સ્વપ્ન મારાં અધુરાં*
*અને સ્વપ્નને, આ હકીકત નડે છે !*

*કરી ’લ્યો હજુ સત્ય સ્વીકૃત, સહજ થઈ*
*અને કાં કહી દ્યો કે, નિયત નડે છે !*

*ખબર છે કે, સોનું તપે એમ નિખરે*
*છતાં પણ, કશુંક વારસાગત નડે છે !*

*– ડૉ. મહેશ રાવલ*

5 others like this post.

Joshi Hitesh posted an update Gujarati Poem

5 year ago

*હા, હું પ્રેમ કરું છું મારી વધી રહેલી ઉમર ને,*
*ગમી રહ્યું છે શાણપણ, તો યે શરારત હું કરું છું.*

*કેટલીક જવાબદારીથી મુક્ત થઈ ચૂકયો છું,*
*બની બેફિકર મારાં માટે હવે હું જીવું છું.*

*શું વિચારશે કોઈ એની હવે પરવાહ નથી,*
*શું કરવું છે હાસિલ એ હવે સમજી લીધું છે.*

*જીવી રહયો છું મરજી મુજબ ને ખૂબ મોજથી,*
*શોખને પાંખો આપી આભ માં ઊંચે ઊંડું છું.*

*સફેદી વાળમાં આછી અને કરચલી ચહેરે થોડી,*
*મારી છટા ને જાણે વધારે ખીલવી રહ્યું છે.*

*જીવું છું સ્વમાનભેર અને છું પ્રિય મિત્રોમાં,*
*બસ, આટલી સંપત્તિથી શ્રીમંતાઈ ને પોષતો રહું છું.*

*અજ્ઞાત*

8 others like this post.

Joshi Hitesh posted an update Gujarati Poem

5 year ago

**નિહાળેલાં એ દ્રશ્યોનાં હજુ છે આંખ પર ડાઘા !*
*મથુ છું પણ નથી જાતાં પડ્યાં છે જાત પર ડાઘા !*

*વજન સપનાનું ઉંચકીને, કુદ્યા છે એ રીતે ફુલડાં !*
*કે જ્વાળાઓ ડઘાઈ ગઈ ને લાગ્યા આગ પર ડાઘા !*

*કલમનો હાથ પકડી ઘેરથી નિકળ્યા હતાં એથી,*
*જુઓ ઉપસી ગયાં મા શારદાનાં હાથ પર ડાઘા !*

*અમારી ચામડી બરછટ ને પહેલેથી જ મેલીદાટ !*
*નડે શું લોહિનાં છાંટા ! પડે શું ડાઘ પર ડાઘા !*

*હીરો ડુસ્કાં ભરે છે ને ડુમો કાપડનાં કંઠે છે !*
*સમય કરતો ગયો કેવા સુરતનાં ગાલ પર ડાઘા !*

*- ડૉ.મનોજ જોશી 'મન'*

197 Views

6 others like this post.

Quotes by Joshi Hitesh in Bitesapp read free

Joshi Hitesh

Joshi Hitesh posted an update Gujarati Poem

Joshi Hitesh posted an update Gujarati Poem

Joshi Hitesh posted an update Gujarati Poem

Joshi Hitesh posted an update Gujarati Poem

Joshi Hitesh posted an update Gujarati Poem

Joshi Hitesh posted an update Gujarati Poem

Joshi Hitesh posted an update Gujarati Poem

Joshi Hitesh posted an update Gujarati Poem

Joshi Hitesh posted an update Gujarati Poem

Joshi Hitesh posted an update Gujarati Poem

Follow Us On:

Download Our App :