मध्यरात्र उलटून गेली होती. समीरला अचानक जाग आली. कुठे थोड्या वेळापूर्वी त्याचे डोळे लागले होते . त्याला आज काही केल्या झोप येत नव्हती , त्याची बायको मात्र गाढ झोपेत होती.थोडा वेळ गेला असेल तेवढयात त्याला खोलीबाहेर कसला तरी आवाज आला. समीर उठला आणि दारापाशी गेला. त्याने दार उघडले व तो बाहेर डोकावला . बाहेर अंधार होते बहुतेक दिवे बंद केले होते. त्या अंधारात त्याची नजर भिरभिरली , काही अंतरावर त्याला काहीतरी दिसले, काय आहे ते म्हणून समीर निरखू लागला . अचानक त्याला विचीत्र वाटू लागले. आपल्या मागे कोणीतरी आहे असे त्याला वाटले , तो लगेच मागे वळला पण , मागे कुणी नव्हते .तो दार बंद करण्यासाठी वळला , तेवढयात त्याची नजर समोर गेली. त्याला समोर दोन लाल डोळे चमकताना दिसले . तो हादरला कारण ती आकृती त्याच्याकडे सरकत होती. समीरने वेळ न दवडता लगेचच दार बंद केले. धडधडणारे काळीज घेऊन तो आपल्या बिछान्यात शिरला |