નયન ચૂકી જાય પલકારા, હરજી આંગણ આવોને.
હૃદય ભૂલી જાય ધબકારા, હરજી આંગણ આવોને.
પ્રતિક્ષાની પરાકાષ્ઠા છે તમારે હવે આવવું જ ઘટે,
મુજનાવને મળતા કિનારા, હરજી આંગણ આવોને.
રોજેરોજ દ્વારે ઊભીને રાહ તમારી જોઉં છું પ્રભુ,
પધારો એકે બનીને હજારા, હરજી આંગણ આવોને.
ભોળાનાથ ભગવંત ભક્તવત્સલ ભયહારી કૃપાળુ,
ભાગ્યના બદલતા સિતારા, હરજી આંગણ આવોને.
ધન્યઘડી, ધન્યભાગ જે દિન શિવજી પધારે આંગણે
થાય માયાબંધને છૂટકારા , હરજી આંગણ આવોને.
- ચૈતન્ય જોષી. ' દીપક ' પોરબંદર.
