ગઝલ : હૃદયનો ધબકાર
દરેક શ્વાસે તારા નામનો ગુંજે છે ધબકાર
આંખોમાં તારી યાદનો વસે છે ધબકાર
મૌન રાતની ચાદરે જાગે છે કોણ સતત ?
તારા વિરહની વેદનાનો બસ એ જ ધબકાર
સ્પર્શની આશા છોડી દીધી, છતાં કેમ રોકે નહીં ?
છાતીમાં કેદ કર્યો છે મેં એનો ધબકાર
લોકો કહે છે પ્રેમ એ તો માત્ર ભ્રમણા છે,
હું માનું છું સાચો છે આ દિલનો ધબકાર
જખ્મો પર મલમ લગાવે છે કોઈ અદૃશ્ય હાથ,
ને દરેક મલમ સાથે વધે છે ધબકાર
તું નજીક હોય તો જગ આખું ગીત ગાતું લાગે,
તું દૂર જાય તો શ્વાસ પણ ભૂલે ધબકાર
'સ્વયમ્ભૂ' ને હવે ખબર પડી ઈશ્કની તાસીર,
જીવતરનું મૂળ તો છે બસ હૃદયનો ધબકાર
અશ્વિન રાઠોડ "સ્વયમ્'ભૂ"
