జీవితం, ఒక పుస్తకం అయితే,
అందులో పోషించే పాత్రలెన్నో…
జీవితం, ఒక రంగులరాట్నం అయితే,
అందులో పలురంగుల మనుషులెందరో…
జీవితం, ఒక బాటసారి అయితే,
అందులో ఎదురయ్యే అడ్డంకులెన్నో…
జీవితం, ఒక రాయి అయితే,
ఆ రాతిని చెక్కే శిల్పకారులెందరో…
జీవితం, ఒక రణరంగం అయితే,
అందులో యుద్ధాలు ఎదురయ్యేవెన్నో…
జీవితం, పుట్టకకు చావుకు
మధ్యలో జరుగుతున్న నాటకం,
దాన్ని మెచ్చే జనం కొందరు
కిట్టని జనం మరికొందరు…
-©ఎస్.సురేఖ
