....." જીવ પરદેશી પંખી "
જીવ એક પરદેશી પંખી મનવા;
જાશે એક દિવસ ઊડી મનવા;
સદા શણગાર્યું તનના પીંજરને,
ભીતરે ભરી નર્યી ગંદકી મનવા;
તનની સંગ ક્યારેક ક્યારેક તો,
આતમની પણ કર શુદ્ધિ મનવા;
હરખ શોક શું? ને શેનો કરવો?
ક્યાં કશું અહીં કાયમી મનવા?
શ્વાસ આપ્યા છે ગણી ગણી,
ગણાય એ જાય ખૂટી મનવા;
કરેલાં કર્મો જ ચાલશે સંગાથ,
સત્કર્મની બાંધ ગાંઠડી મનવા;
મરણ પહેલાં શું મરવું? "વ્યોમ"
હસી ખુશી ગુજાર જિંદગી મનવા;
✍...© વિનોદ. મો. સોલંકી "વ્યોમ"
GETCO (GEB),
મુ. રાપર
