નગર નગર છું ફરી વળ્યો એક ડગર શોધવા;
મજલ મજલ જઈ ચડ્યો એક સફર શોધવા;
આજ પણ પાથરેલ છે પાંપણ એની પ્રતીક્ષામાં,
પલક પલક હું જોઈ રહ્યો એક નજર શોધવા;
નથી ભરાતું મન હવે આ ઉપવનની સોડમથી,
પુષ્પ પુષ્પ હું સૂંઘી ચૂક્યો એક અત્તર શોધવા;
દુઆ ના કબૂલ થઈ કોઇ મંદિર કે મસ્જિદમાં,
ડુંગર ડુંગર મેં ખૂંદી નાખ્યો એક કંકર શોધવા;
મુખે રાખે રામ ને બગલમાં રાખે છે છરી લોકો,
સ્વજન સ્વજન હું ભેંટયો એક ખંજર શોધવા;
છાપે ચડી પોકારે છે પાપ એક'દી જરૂર 'વ્યોમ'
અક્ષર અક્ષર વંચાઈ ગયો એક ખબર શોધવા;
✍...© વિનોદ. મો. સોલંકી "વ્યોમ"
GETCO (GEB),
મુ. રાપર
