समजून घे
समजत नाही का तुला
तुझ्या फोनची वाट पाहते
फोन आल्या शिवाय तुझा
जेवन न करता राहते
दिवसातुन एकदातरी बोलावं
असं वाटत नाही का तुला?
आवाज ऐकुन आनंद होतो
तसा होत नाही का तुला?
स्वप्न तुझीच बघत असते
तुझ्यासाठीच जगत असते
तुला नाही का तसे वाटत?
माझ्यासाठी जीव आटत?
कधी होणार एक आपण?
तारीख वार सांगशील का?
सात जन्म नाही पण
एक जन्म माझा होशील का?
कधी कळणार भावना तुला?
की कळूनही दाखवत नाही
माहित आहे मला प्राणसख्या
तुला माझे मन राखवत नाही
नको जीव घेउस माझा
आता नाही सहन होत
ये भेटण्यास लवकर
आता नाही सहन होत
समजून घे रे मला
नको त्रास देऊ असा
ये धावत लवकर
जसा आहेस तसा
