*વીર પસલી*
આવી આજ વીર પસલી ને બેનીને વીરો સાંભરે,
વાયક આવ્યાં છે કે વીરા મારા ઊભાં ગામને પાદરે.
બેની જોતી હસે વાટુ તમે જલ્દી હાંકો ને ગાડુ,
વીરા માટે બનાવું શીરો પુરી ને ચુરમાના લાડુ.
આવી આંગણે ઊભો લાડલો વીરો મારો ડેલીયે,
કંકુ ચોખા ના તિલક કરી ઓવારણાં લઈ વધાવીએ.
વહે બેની ના આંખે ખુશીની આંસુડાં ની ધાર,
શાને રડે બેની વીરો તારો આજે આવ્યો દ્વાર.
બેની કાંડે બાંધે સાત ગાંઠ વાળો પીળા રંગનો દોરો,
કહે ઈશ્વર ને કે કોઈ દુઃખ વીરાને આવે નહીં ઓરો.
આજ બેની જમાડે વીરાને હેતે બેસાડી ને પાટ,
વીરા સાથે પીરસતા પીરસતા કરે મનની વાત.
બહેની ને વીરો આપે છે પ્રેમે કંચન જેવી ભેટ સોગાદ,
વીરો ચાલ્યો પાછો ઘેર બેની કહે કરતાં રહેજો મને યાદ.
નારાણજી જાડેજા (ગઢશીશા)
નર
મુન્દ્રા
