આજતક જેમતેમ જીવ્યા હવે બસ કરો.
ક્યાંક ફાવ્યા ક્યાંક હંફાવ્યા હવે બસ કરો.
મહાપ્રયત્ને મળ્યો છે માનવદેહ આપણને,
આચરણમાં કૈં સુધારો લાવ્યા ? હવે બસ કરો.
ભોગપ્રધાન જીવીને ભીંજવી દીધી જિંદગી,
ઉપકારો હરિના યાદ કૈં આવ્યા? હવે બસ કરો.
ખૂબ લાડ લડાવ્યા રસનાને વિવિધ આરોગીને,
કદી પરમાર્થે કોઈને ચમકાવ્યા ? હવે બસ કરો.
સાદ સમયનો સમજી જવું ઘટે સૌએ શાનમાં,
કદી બુભુક્ષિતાઃના આતર ઠાર્યાં ? હવે બસ કરો.
પાછા વળો સમય છે હજુ કૈંક કરી છૂટવાનોને ,
તમારાથી રૂઠેલાંને તમે મનાવ્યા? હવે બસ કરો.
- ચૈતન્ય જોષી. ' દીપક ' પોરબંદર.
