સતાધાર માં સત ને સાચવી
ગીર માં પીર ગીગડો બીરાજે
આરતી ટાણે નિત નકળંક રમે
લિલુડે ઘોડલે ગગન ગાજે
આરતી ઝળહળે નોબતું ગળગળે
ધમધમે ધૂપ ને નેજા ફરકતાં
કઠણ કળી કાળ પીર તું ગીગળા
માનવી ના બધા દુખ હરતાં
અન્ન ખાનાર ને પ્રેમ થી પંગત માં
થાય હમેશ ત્રણ વાર તેડાં
પીર ના આંગણે નીત ભોજન મળે
છલકતા દુધ ને ધી ના અવેડા
ચલમ સાફિ ને અમલ ગાંજો મળે
રાત દિવસ ચા ના સરુ ચડતાં
કઠણ કળી કાળ પીર તું ગીગળા
માનવી ના બધા દુખ હરતાં
પતીયલ પાંગળા કોઢીયા આંધળા
આંગણે આવતા રોગ જાવે
આશ પુરણ કરે કાજ સઘળા હરે
પાપ પંડ ના ટળે સુખ થાવે
વાંજીયા ને ઘરે પારણાં જુલતાં
હરખ થી દંપતી નમન કરતાં
કઠણ કળી કાળ પીર તું ગીગળા
માનવી ના બધા દુખ હરતા
